Í dag 9. júlí eru Sara, Ásdís, Kristín og Sara að halda á önnur mið. Við þökkum þeim kærlega fyrir yndislegar samverustundir sem við höfum átt með þeim. Oddný og Gosia eiga stórafmæli í júlí og voru af því tilefni heiðraðar.

Ágætu foreldrar, við óskum ykkur gleðilegs sumars. Hafið það gott í fríinu og sjáumst hress í ágúst.

Minnum á að leikskólinn opnar eftir frí mánudaginn 9. ágúst.

Í vinastundinni í dag mætti ,,ræningjabandið" og tók lagið. Ræningjarnir 3 slógu algjörlega í geng, sungu og spiluðu.

Helgarkveðja frá öllum í Álftaborg

Hæ hó jibbí jeij

Við fórum í skrúðgöngu til að halda upp á 17. júní. Við gengum stuttan hring í hverfinu og sungum hátt og snjallt. Við vorum að sjálfsögðu búin að æfa 17. júní lagið. Það var mjög gaman að sjá fánana blakta fallega í vindinum.

Nýr sumarstarfsmaður er byrjaður hjá okkur. Hún heitir Steinunn Magnadóttir og er nýútskrifaður leikskólakennari. Við bjóðum hana velkomna í Álftaborg.